‘Open Skateboard’ Euskadiko Txapelketa Zorontzan ospatuko da
Amorebieta-Etxanoko skatepark berriak “Open Skateboard” Euskadiko Txapelketa hartuko du larunbatean, ekainak 3. Jardueraz beteriko jardunaldia izango da, eta zaleek tailerrak, barbakoak eta musika zuzenean ikusteko aukera izango dute.
Eguna goizeko 11: 00etan hasiko da bi tailerrekin: skate tailerra Atik eskutik eta tatoo tailerra Peritaink taldearekin. Ordu berean hasiko dira 14 urtez azpiko parte-hartzaileentzako lehen entrenamenduak. Kategoria honetako txapelketa 12: 00etan jokatuko da eta 14: 00etatik aurrera barbakoa baten inguruan bilduko dira.
15: 00etan Open kategoriaren txanda izango da, eta ordu horretan hasiko dira entrenamenduekin. Txapelketa arratsaldeko 16: 00etan hasiko da, eta bukatutakoan, arratsalde erdian, zuzeneko musika izango da Volcom eta Fizz taldeen eskutik.
Sari banaketa 20: 00etan izango da, eta egunari amaiera emateko barbakoa eta zuzeneko musika izango dira Arkaren eskutik.
Iturria: zornotzan / durangon.eus
