Lan pilaketarekin freskurarik galdu gabe, lider sendoak dira Elordi eta Rezusta (22-11)
Partida hasterako 7-0 aurreratuta, aukerarik ez diete eman Azkoitiko itxura ona berretsi ezin izan duten Ezkurdia-Tolosari (22-11).
Etxean aritu den Elordik udan izan ez zuen joko sasoia hartu du Binakako honetan. (Oskar_MATXIN_EDESA/FOKU)
Lau egunen bueltan txapelketako bi partida jokatu beharrak –hirugarrena ostiralean jokatuko dute Donostian Artola-Imazen aurka– ez die batere freskotasunik kendu sasoiko diren Elordi-Rezustari eta Binakako txapelketako liderrak dira, emaitzez, eta jokoz, bigarren puntua lehenengoa bezain erraz eskuratuta. Ezkurdia eta Tolosak, ordea, lehen eguneko sendotasuna eta lehiakortasuna bidean galdu dituzte eta, partidan sartzea asko kostata, uste baino lan gutxiago eman diete mallabitarrari eta bergararrari.
Konturatzerako, markagailuan alde handia zutela jarri dira Elordi eta Rezusta, Eibarko osteguneko partidaren jarraipen bat bailitzan. Eraman gabeko pare bat saketik eta Ezkurdiak eta Tolosak goiko koltxoira botatako hiru pilotekin, berehala ireki dute zuloa gorriek eta gero ez dute alde hori kudeatzeko arazo handirik izan.
Izan ere, Astelenan erakutsitako sentsazio onak berretsi ditutzte gaur, bertatik ez oso urrun, mallabitarrak eta bergararrak. Ematen du txapelketak sasoi puntu onean harrapatu dituela biak, fresko daude oso, eta pilota abiadurarekin irten zaie eskutik. Aurrelari txapeldunak uda osoan izan ez duen jokoa harrapatu du berriro, oso gutxi behar du tantoa amaitzeko eta Binakako honetan, gainera, zuloak irekitzen dizkion atzelari bat topatu du Beñat Rezustarengan. Gipuzkoarrak uda polita osatu du eta orain arte jokatutako bi partidetan bizkarra erakutsi die, nabarmen, parean izan dituen atzelariei.
Beste aldean, ordea, atsedenerako denbora gehiago izan duten arren, Azkoitian horren itxura ona utzi zuten Ezkurdia eta Elordik ez diote orduko sendotasunari eusterik izan. Egia da hasieran galdutako pilota batzuk graziarekin galdutakoak izan direla, baina ez dute markagailuan atzetik zirela jokatzen jakin.
Izan dute, 9-5 gerturatu direnean, bolada on bat partidan zehar, baina gehienean euren jokoa topatzeko modurik topatu. Azkoitian bien artean Zabaleta deseroso sentitu arazi bazuten, gaur Rezustak zuzen jokatu ahal izan du partida guztian zehar eta Bergarakoak horrela jokatzen duenean ia ezinezkoa izaten da hari aurre egitea.
Gainera, behar baino pilota gehiago galdu dituzte –txapekin ere ez dute zorte handirik izan– eta garaipenetik oso urrun geratu dira.
Unai Laso bueltan
Baikok gaur arratsaldean baieztatu duenez, egindako azken entrenamenduan sentsazioak onak izan direnez, Unai Lasok asteazken honetan jokatzea erabaki du eta Beotibarren izango da, Arangurenekin batera, Artola eta Imazen aurka jokatzeko. Ekainaren 12an egin zioten Bizkarreta-Gerendiandgoari ebakuntza aldakan eta, denboraldi luze batez kantxetatik at egon ostean, bueltan da 2022ko Buru Buruko txapelduna.
Uztailaren 7tik 10era, Ciudad Realek proba “klasikoen” Espainiako Freestyle Inline Txapelketa egingo du. Santa Maria Atea pabilioia prest dago derrape, salto, speed slalom, classic, battle eta bikoteen probak egiteko. Lau egun bizi izango dira, eta lehia-maila bikaina espero da. Ekitaldiak 227 kirolari bilduko ditu, 30 elkarte ezberdinetakoak, 10 autonomia-federaziotakoak: Madril, Andaluzia, Katalunia, Aragoi, Murtzia, Valentzia,…
Ia 70.000 pertsona joan dira ekitaldira aste osoan zehar, eta lehiaketez, musikaz eta jarduera guztiez gozatu dute. Munduko scooter txapelketak 4. edizioko erakusleiho nagusia izan dira, eta 200 kirolari lehiatu dira irabazlearen koroa lortzeko: Mia Catalano eta Lucas Di Meglio Scooter Streeten eta Claire Parks eta Jordan Clark Scooter Parken. Guifré Obradors espainiarra scooter streeteko…
La Basu: “Rapean emakumezko erreferenteak behar ditugu; euskal raparen unea da” La Basu rap abeslariak hainbat urte daramatza rapa plazaz plaza zabaltzen. Raparekin gaztetan maitemindu zen eta, urteek aurrera egin ahala, euskaraz abesteko erronkari heldu dio Ez daki geldirik egoten eta agenda goizetik gauera arte beteta dauka. Duela pare bat urte lantegiko lana utzi eta…
Zarautzekoak hiru proba puntuagarrietatik bi irabazi ditu zirkuitu bakoitzean. Aitor Francesenak sasoi batean jarraitzen du eta garaipenak bildu besterik ez du egiten. Kanarietako Las Canteras hondartzan ospatutako Para Surfingeko Espainiako Koparen barruko txapelketak ez zuen sekreturik izan berarentzat, eta aurten jokatu dituen gainerako nazioarteko txapelketetan ere gauza bera gertatu da. Helburua argia da, berriro munduko…
Larunbat eta igande bitartean, Punta Carretaseko Rambla, Golf Klubaren aurrean dagoena, Montevideo Late jaialdiaren egoitza izango da 14: 00etatik aurrera. Intendentziak ekitaldia goitik behera itxi nahi du, musikari eta kultura herrikoiari dagokionez behintzat. Musika aktraktibo nagusia den arren, jaialdiak beste jarduera batzuk proposatuko ditu. Gastronomia-azoka, ekintzailetza-azoka eta haurrentzat pentsatutako hainbat ekintza izango ditu. Horren barruan…
Donostiarra zazpigarren izan da lehen proban, eta finalerako sailkatu da. Nerea Garcia, berriz, finaletik at geratu da, piraguismoko K4-500 proban, finalerdietan laugarren izan ostean. Abian dira Europako Jokoak Polonian. Asteazken honetan, ekainaren 21ean, inaugurazio ekitaldia egin da arratsaldean, Krakoviako Henryk Reyman estadioan, baina goizean hasita ibili dira lehian kirolariak. Euskal kirolari batzuek lehen probak jokatu…