Zer da ‘Bilbao Surf Film Festival’ orain ospatzen ari den jaialdia?
Laboral Kutxa Bilbao Surf Film Festival jaialdia itsasoaren eta surfaren zaletasuna ospatzeko eta sustatzeko ekitaldi garrantzitsu bihurtu da Bilbon. Jaialdia urtero ospatzen da, eta surfaren inguruko filmak, dokumentalak eta bestelako ikus-entzunezko lanak aurkezten ditu. Hiru egunez, hiriko hainbat gunetan burutzen diren proiekzio, hitzaldi, erakusketa eta tailerrekin, surf zaleak eta kulturzaleak biltzen ditu.
Jaialdiaren helburua surfaren kultura eta balioak zabaltzea da. Surfak askatasuna, naturarekiko errespetua eta komunitatearen garrantzia sustatzen ditu, eta Bilbao Surf Film Festivalek balio hauek zabaltzeko plataforma eskaintzen du. Bertaratzen direnek munduko itsaso eta hondartza ezberdinetan grabatutako ikus-entzunezko lanekin gozatzeaz gain, surfaren errealitate ezberdinen berri izateko aukera dute.
Filmen proiekzioez gain, jaialdiak tailer eta hitzaldi interesgarriak ere antolatzen ditu. Profesional eta aditu ezberdinek surfaren teknika, material berrikuntza, itsasoaren ekologia eta olatuen formazioari buruzko gaiak lantzen dituzte. Halaber, surf argazkilaritza eta bideografia tailerrak ere eskaintzen dira, parte-hartzaileek haien sormen gaitasunak garatzeko aukera izan dezaten.
Jaialdia Bizkaiko hainbat lekutan ospatzen da, hala nola, Bilboko Itsasmuseum-en eta Getxoko Muxikebarri Aretoan bezalako espazio ezagunetan. Leku hauek aukera paregabea eskaintzen dute surfaren inguruko kultura hirian bertan bizitzeko eta zabaltzeko. Jaialdiak, gainera, tokiko merkataritza eta turismoa sustatzen ditu, parte-hartzaileek eta bisitariek hiriko giroa eta eskaintza gastronomikoa disfrutatzen baitituzte.
Laboral Kutxa Bilbao Surf Film Festivalek lehiaketa bat ere antolatzen du, non parte-hartzaileek haien lanak aurkezten dituzten epaimahai profesional batek baloratzeko. Sari ezberdinak banatzen dira kategorien arabera, hala nola, film labur onena, dokumental onena eta argazki onena. Lehiaketa honek ikus-entzunezko sortzaileei aukera ematen die haien lanak ezagutarazteko eta aintzatespen nazionala eta nazioartekoa lortzeko.
Azken urteotan, jaialdiak nazioarteko ospea lortu du, eta mundu osoko surf zaleak eta profesionalak erakartzen ditu. Bilbao Surf Film Festivalek itsasoko kulturaren eta surfaren balioak sustatzen jarraitzeko konpromisoa du, eta urtez urte ekitaldi hau handiago eta hobeagoa izatea bilatzen du.
Jaialdia LABORAL Kutxa, Itsasmueum, Getxoko Udala, Bilboko Udalak eta hainbat babeslek eta erakundek sustatzen dute, eta horrek erakusten du hiriak kultura eta kirol ekitaldien aldeko apustua egiten duela. Bilbao Surf Film Festival ez da soilik surf zaleentzat, baizik eta itsasoaren eta ikus-entzunezko artearen zaletasuna duten guztientzat ekitaldi aproposa da. Horrela, jaialdi honek Bilboko kultura-agenda aberasten du eta hiriari itsasoko kulturaren zentro gisa ospea ematen dio.
#LKBSFF2024 jaialdiaren hurrengo edizioaren programazioa kontsulta dezakezu bilbaosurffilmfestival.eus webgune ofizialean.
Idazlea: Inazio Lauzirika
