Izena emateko epea zabalik Bilbao Surf Film Festival 2024 jaialdiaren 9. edizioan!
Bilbao Surf Film Festival 2024 jaialdiak datorren edizioan filmak erregistratzeko izen-emateak ofizialki irekita daudela iragarri du. Mundu osoko zinemagileek eta surfa maite dutenek 2023ko abenduaren 15era arte aurkeztu ahal izango dituzte beren lanak, doan.
2023ko edizioak arrakasta handia izan zuen, 15 herrialde ezberdinetako hautagai ugari erakarriz. Horren ostean, antolakuntzak film sorta zabala eta askotarikoa jaso nahi du aurten. Jaialdia 2024ko otsailaren 28tik martxoaren 3ra izango da, eta egoitza ofizialak Bilbon (Itsasmuseum) eta Getxon (Muxikebarri) izango ditu.
Bilbao Surf Film Festival 2024 ekitaldiaren Sail Ofiziala Euskal Herriko zein nazioarteko ikus-entzunezkoen eta surfaren munduko epaimahai profesional, aditu eta ezagun batek aukeratutako filmek osatuko dute. Aukeratutako filmek jaialdiko sariak jasotzeko aukeragatik lehiatuko dira, besteak beste: Best Film (film luze onena), Best Short Film (film labur onena), Best Local Film (euskal film onena), Best Action Sports Film (akziozko kiroletako film onena), Audience Award (publikoaren bozketa bidez aukeratutako filma) eta Jury Award (epaimahaiaren aipamen berezia).
Gainera, lehiaketa nagusian ez dauden pieza zinematografiko batzuk ekitaldian zehar gonbidatutako film gisa erakusteko aukera izango dute.
2023ko irabazleak
Aurreko 8 edizioan, hauek izan ziren epaimahai profesionalaren eta publikoaren babesa lortu zuten filmak:
π πππ¦π§ ππππ π¬ Corners of the Earth: Kamchatka, Spencer Frost Β· Guy Williment
π πππ¦π§ π¦ππ’π₯π§ ππππ π¬ SurfalΓ‘, un viaje de vida y vuelta, IΓ±igo Iraultza
π πππ¦π§ ππ’πππ ππππ π¬ SurfalΓ‘, un viaje de vida y vuelta, IΓ±igo Iraultza
π ππ¨π₯π¬ ππͺππ₯π π¬ NΓ©mesis, Mikel Abasolo
π πππ¦π§ πππ§ππ’π‘ π¦π£π’π₯π§π¦ π¬ Humanity Stoked, Michael Ien Cohen
π ππ¨ππππ‘ππ ππͺππ₯π π¬ Emakumea* Surflari, Ritxi Goya Β· Emakumea* Surflari
Idatzi zure filma!
Parte hartu nahi dutenek jaialdiaren webgune ofizialean eman dezakete izena 2023ko abenduaren 15era arte. Bilbao Surf Film Festival 2024 jaialdiak surf zinema eta kultura ospatuko dituen ekitaldi ahaztezina izango dela agintzen du, mundu osoko zinemagile, surflari eta kulturazaleak inguru paregabe eta zirraragarrian bilduz. Ez galdu esperientzia honen parte izateko aukera!
Kontsultatu hemen BSFF 2024ren parte-hartze oinarriak
Iturria: bsff.eus
